Cher mund të jetë gati të martohet sërish — të paktën kështu pretendojnë burimet në mediat britanike. Sipas The Mirror, artistja po planifikon të kurorëzojë lidhjen me partnerin e saj, Alexander “AE” Edwards, para se të festojë 80-vjetorin në maj.
“Cher nuk shqetësohet aspak për diferencën 40-vjeçare mes tyre dhe të dy janë gati të marrin një angazhim serioz,” tha një burim për gazetën. Thuhet se këngëtarja e sheh ditëlindjen e saj të madhe si momentin ideal për të “vulosur” romancën e tyre trevjeçare. Por zërat u shuan shpejt: një përfaqësues i Cher-it i tha Page Six se raportimet e tabloidit “nuk janë të vërteta.”
Edhe pse lidhja e saj me 39-vjeçarin Edwards ka qenë shpesh në qendër të vëmendjes për shkak të diferencës së madhe në moshë, Cher ka qenë gjithmonë e qartë: nuk i intereson çfarë thonë njerëzit.
“Nuk po jetojnë ata jetën time,” tha ajo në CBS Mornings. “Ne argëtohemi shumë, qeshim gjatë gjithë kohës.”
Ajo ka treguar gjithashtu se partneri i saj e mbështet plotësisht:
“Ti bëhesh më e vjetër, por shpirti yt mbetet i ri,” i thotë Edwards shpesh.
Cher dhe Edwards u panë për herë të parë së bashku në nëntor 2022, dhe pak ditë më vonë këngëtarja e bëri lidhjen zyrtare në rrjetet sociale.
Në një Q&A me fansat në X, Cher u shpreh hapur:
“Nuk më intereson fare ç’mendon njeri. Jemi të lumtur dhe nuk shqetësojmë askënd.”
