Katy Perry dhe ish-kryeministri kanadez Justin Trudeau kanë konfirmuar romancën e tyre në Instagram, pasi këngëtarja publikoi një seri fotosh dhe videosh nga udhëtimi i tyre në Tokio.
Në një nga fotot, Perry, 41 vjeçe, dhe Trudeau, 53, shfaqen të buzëqeshur teksa pozonin për një selfie në ambient të jashtëm. Në imazhe të tjera, ata shihen duke vizituar një instalacion arti dhe duke shijuar darkë bashkë, ku Trudeau vërehet duke e admiruar këngëtaren teksa ajo provon sushi. Perry e shoqëroi postimin me mbishkrimin:
“tokyo times on tour and more”.
[embed]https://www.instagram.com/p/DR7MEYMkSwx/[/embed]
Këngëtarja ndodhet aktualisht në Japoni për “Lifetimes Tour”, dhe çifti është parë disa herë së bashku në qytet. Të hënën, ata u fotografuan dorë për dore në Asakusa, një nga zonat më të frekuentuara turistike në Tokio.
Thashethemet për një lidhje mes tyre nisën në korrik, kur ata u panë duke shëtitur dhe duke ngrënë bashkë në Montreal. Trudeau gjithashtu ishte i pranishëm në koncertin e Perry në Bell Centre. Lidhja e tyre u konfirmua në tetor, kur paparacët i kapën duke u puthur në një jaht pranë Santa Barbara-s.
Burime pranë çiftit thonë se Trudeau është “i çmendur pas Katy-t” dhe se ata kanë shumë gjëra të përbashkëta, nga politika te kuzhina franceze.
