“I bëj komplimente Tiranës pasi e ka merituar vendin ku është. Të dhemb kur humb nga një paraqitje e tillë. Lojtarët treguan nivel shumë të lartë. E dinim që kemi përpara 11 ndeshje të forta. Nëse luajmë si sot vështirë se do të humbasim ndeshjet e tjera”. Një Rodolfo Vanoli grintoz e ambicjoz, që megjithatë ka keqardhjen për mënyrën se si humbi derbin Dinamo e tij, në ndeshjen e tij të parë në pankinë.
Tirana u imponua me një gol, që erdhi më tepër i pasojë e gabimit difensiv të bluve: “Sot luajtëm me këtë sistem sepse menduam se ishte më i përshtatshmi për ta vënë kundërshtarin në vështirësi. Më vjen keq për lojtarët e mi që bënë një lojë aq të mirë dhe nuk morën atë që merituan”.
Natyrisht tani renditja është e vështirë, me Dinamon të parafundit e katër pikë larg zonës së playout e 5 nga shpëtimi. “Për mua është ndeshja e parë sot dhe nuk shoh çfarë ka ndodhur më përpara. Mendoj se lojtarët mund të përmirësohen sepse janë akoma të rinj”, përfundoi italiani.
