"Sot është një kohë e vështirë për të gjithë ne. Por duhet të bashkohemi. Së bashku do të fitojmë! Lavdi Ukrainës!". Andriy Shevchenko komenton kështu situatën e vështirë në vendin e tij. Ish-sulmuesi i Milanit postoi një imazh të kufijve të Ukrainës me flamurin kombëtar. "Ukraina është atdheu im. Unë kam qenë gjithmonë krenar për popullin dhe vendin tim. Kemi kaluar shumë kohë të vështira dhe në 30 vitet e fundit jemi formuar si komb. Një komb me qytetarë të sinqertë, punëtorë dhe liridashës. Ky është burimi ynë më i rëndësishëm”.
Një postim në të cilin Sheva ka dashur të bëjë të qartë se cili është qëndrimi i tij për një ngjarje që po mban pezull opinionin publik botëror dhe që po shqetëson seriozisht të gjithë Ukrainën, të kërcënuar seriozisht në kufi nga trupat ruse. Ish-sulmuesi i Milanit ka qenë gjithmonë shumë i lidhur me vendlindjen e tij dhe nuk ka humbur rastin të tregojë edhe një herë lidhjen e tij me Ukrainën.
