Një pikë në tre ndeshjet e fundit dhe humbja me Liverpool. Për tu larguar nga mini-kriza e dimrit që goditi Interin, Simone Inzaghi së shpejti do të mund të llogarisë edhe shpejtësinë e Robin Gosens, i cili pas gati pesë muajsh i ndaluar për shkak të një dëmtimi në bicepsin femoral të kofshës së djathtë është gati të kthehet në fushë dhe tashmë mund të thirret për ndeshjen e Marassit kundër Genoas të premten në mbrëmje.
Siç raporton Sky Sport, goditja e zikaltërve e merkatos së janarit po jep përgjigje të kënaqshme dhe po shkon drejt thirrjes së parë në funksion të ndeshjes Genoa-Inter. Sigurisht jo për t'u aktivizuar si titullar, por për të qëndruar me skuadrën, për të ripërjetuar atmosferën e ndeshjes e ndoshta edhe për të dalë në fushë për disa minuta.
Lajm i shkëlqyer për Inzaghin, që ka nevojë për forca të reja për të rifilluar pas një periudhe negative dhe që buzëqesh edhe për rikthimin në grup të Matias Vecinos, i cili ka rikuperuar nga problemi në gju dhe ka rifilluar stërvitjet me pjesën tjetër të grupit. Në infermieri, mbetet vetëm Tucu Correa, i cili vazhdon punën i diferencuar dhe për rikthimin e të cilit duhet pritur edhe disa ditë.
