Vendasit mundën 3-1 Senegalin në finale dhe fituan trofeun, por festa nuk zgjati shumë. Madje, nga shumëkush është kërkuar që të kontrollohet mosha e lojtarëve. Federata Ndërkombëtare ka postuar në faqen e saj zyrtare një video me intervistën e Infantinos dhe pamjet e ceremonisë së fitores, por asnjë plan nga afër të lojtarëve. Megjithatë, disa foto të ngjarjes qarkullojnë në internet dhe dyshimet janë të shumta. "Unë jam një njeri i lumtur sonte - tha Infantino - Të shohësh ata fëmijë të buzëqeshur, djem dhe vajza, me gëzim në sytë e tyre është e mrekullueshme. Kjo është bukuria e futbollit. Republika Demokratike e Kongos bëri një punë të shkëlqyer duke organizuar këtë event, i cili është edicioni i parë i një kompeticioni fantastik që do të bëhet një nga më të mëdhenjtë jo vetëm në Afrikë, por edhe në mbarë botën.”No descriptions pic.twitter.com/I6bqKeHl2m
— NUHU ®️ (@NuhuAdams_) February 21, 2022
Infantino është i lumtur, por polemikat nuk mungojnë. A janë vërtet fituesit nën 16 vjeç? Gazetari afrikan i futbollit, Thomas Kwenaite, mendon se jo: "Nuk duhet të jesh shkencëtar për të parë se ka të bëjë me truke për moshën, ata po maskohen si 15-vjeçarë. Ndoshta e kam gabim, por gjuha e trupit të tyre sugjeron që thellë brenda vetes e dinë se ajo që po bëjnë është krejtësisht e gabuar dhe është turp të shtiresh 14 dhe 15 vjeç kur në realitet po i afrohen të 40-ave dhe moshës së pensionit”. Kwenaite më pas i bëri thirrje organizmit botëror të futbollit që të hetojë këtë çështje: "FIFA gjithashtu duhet të ulë kokën me turp për lejimin që ky mashtrim flagrant të vazhdojë". Gazetari nuk është i vetëm që kërkon qartësi.La sélection U16 du Sénégal ??, battue en finale de la CAN des Champions scolaires 2022, organisée et remportée par la RD Congo ?? pic.twitter.com/5walbTsiX6
— 13football_com (@13footballC) February 21, 2022
