Një peshë më pak mbi të ardhmen e Rafael Leaos dhe një lajm i shkëlqyer për Milan në lidhje me rinovimin e mundshëm të sulmuesit portugez. CAS ka shprehur opinionin e tij për “çështjen Leao” që e shihte sulmuesin anësor të detyruar të kompensonte me rreth 20 milionë euro ish-klubit të tij, Sporting Clube, për një ndërprerje të kontratës pa arsye. Gjykata e Arbitrazhit të Sportit, ndërkohë, ka dënuar Lille me kompensimin e plotë të shumës, duke shfajësuar Leaon, edhe pse ai u konsiderua plotësisht përgjegjës për ngjarjen.
Çështja përfshinte Lille dhe Sporting Lisbonë në këtë proces, për shkak të transferimit në vitin 2018 të numrit 17 aktual të kuqezinjve nga klubi portugez te ai francez, me ndërprerje të njëanshme të kontratës për arsye të drejtë, por që nuk iu njoh kurrë futbollistit.
Në instancën e parë, dënimi prej 16.5 milionë eurosh kishte rënë tërësisht mbi Leaon, por CAS ndërhyri duke treguar se Lille është përgjegjësi për prishjen e njëanshme të marrëveshjes mes lojtarit dhe klubit sportiv, për një arsye të drejtë por asnjëherë të provuar.
Milani, pavarësisht se ka treguar gjithmonë afërsi me lojtarin për këtë cështje, ka qenë gjithnjë jashtë fakteve. Megjithatë, ky vendim duhet të lehtësojë negocimin për rinovimin e kontratës së Rafael Leaos, i cili pa gjobën e fortë për të paguar, duhet të ulë kërkesat ekonomike.
