"Ne e respektojmë Real Madridin si një nga skuadrat më të mira në botë, edhe për titujt e tyre. Unë mendoj se nuk ka një favorit, mendoj se është një përballje që mund të jetë një finale e Champions League, për emrat, nga lojtarët dhe nga cilësia". Trajneri i PSG-së, Mauricio Pochettino, ka folur për ndeshjen e parë të 1/8 kundër Real Madrid. “Ne jemi sfiduesit dhe, përtej gjithçkaje që është parë, veçanërisht për shkak të përpjekjeve të klubit për të krijuar një skuadër për të realizuar ëndrrën e shumëpritur, ne jemi ende sfiduesit sepse Reali e ka zakon të fitojë Ligën e Kampionëve. Por ne nuk do të jemi viktima të sakrifikueshme”.
“Kam besim te skuadra ime, te klubi im dhe te tifozët që na japin energji. Mund të them se ne fillojmë në baza të barabarta”, tha tekniku. Sa i përket gjendjes së skuadrës dhe kampionëve të tij, Pochettino bëri të ditur: "Unë e shoh ekipin mirë. Të gjithë kanë motivim dhe entuziazëm të madh. Messi është mirë, përvoja e tij është e rëndësishme sot". Në fund, në lidhje me balotazhin Navas-Donnarumma në portë, argjentinasi tha: “Pozicioni në portë është i mbuluar mirë, kemi dy portierë që besoj se kanë punuar deri më tani në mënyrën se si e kemi trajtuar situatën”.
