Josip Ilicic nuk do të luajë në Europa League, Atalanta në fakt e ka përjashtuar sllovenin nga lista e Uefa-s e dorëzuar dje pas mbylljes së merkatos. Një zgjedhje realisht e dakordësuar mes klubit dhe lojtarit, duke qenë se nuk ka vendime teknike në bazë të këtij vendimi, por situata e vështirë personale që slloveni po përjeton prej disa kohësh. Vetëm disa javë më parë, Gasperini me shumë takt e përballi në këtë mënyrë cështjen: "Është e vështirë të flasësh për këtë. Koka jonë është një xhungël, jemi afër tij dhe tani është koha ta lëmë të qetë".
Sllovenit i duhet edhe një herë të përballet me vuajtjet personale që e kishin prekur mes verës dhe vjeshtës së vitit 2020, pas shpërthimit të pandemisë, kur u largua nga ekipi për disa javë përpara se të kthehej në mes të tetorit.
Është e vështirë të parashikohet e ardhmja, si për një rikthim hipotetik në fushë, ashtu edhe për vazhdimin e aventurës te Atalanta. E vështirë, e parakohshme por mbi të gjitha e tepërt: tani të gjithë, duke filluar nga bergamaskët, urojnë që Iliçiç të gjejë qetësinë. Çdo gjë tjetër do të diskutohet në kohën e duhur.
