Novak Djokavic mund të jetë vaksinuar në orët e fundit. Lajmi i bujshëm, pas dëbimit të tij nga Australia, është zbuluar nga Daniel Müksch, gazetar dhe shkrimtar gjerman, i cili shkroi biografinë e fundit të tenistit serb: "Nga çfarë kam dëgjuar nga stafi i tij stërvitor, duket se ai tashmë është vaksinuar”, i tha ai gazetës austriake Heute.
Ende nuk ka asnjë reagim, por gjermani përpiqet të japë një shpjegim: "Ndoshta ajo që ndodhi në Australi e bëri atë të marrë këtë vendim. Ndoshta peshoi edhe mënyra se si përfundoi Grand Slam, me finalen e fituar nga Rafael Nadal: titulli i 21-të i fituar nga spanjolli mund ta ketë inkurajuar atë të vaksinohet”.
Një zgjedhje, ajo e Djokovic, që do të ishte në fakt e bujshme vetëm dy javë pas dëbimit të tij nga Melburni pas një javë gjyqesh dhe apelesh. Për momentin, stafi i serbit nuk e ka konfirmuar ende lajmin dhe për këtë arsye rikthimi i Noles në fushë mbetet ende për t'u planifikuar. Si i vaksinuar do të ishte sigurisht më e lehtë.
