Vendimi i ASL Napoli 1 Qendër, që ka lejuar skuadrën e Spallettit për të udhëtuar drejt Torinos për ndeshjen me Juventus, nuk e ka bindur fare Napolin, që kërkoi e nuk mori shpjegimin e duhur, por tani ka marrë një tjetër goditje nga Autoritetet Shëndetësore Lokale, pavarësisht se skuadra ka mbërritur në Torino.
Napoli nuk do të mund të përdorë Zielinskin, Lobotkan dhe Rrahmanin në fushë nesër mbrëma ndaj Juventusit. Të tre janë futbollistë që ASL Napoli 2 Nord i ka identifikuar si persona që kanë pasur kontakte të ngushta me persona pozitivë dhe që, edhe pse të vaksinuar, nuk i janë nënshtruar dozës përforcuese (doza e tretë) dhe vaksinimi me dozën e dytë ka ndodhur prej më shumë se 120 ditësh.
