Pas bllokimit për Torinon dhe Udinese të imponuar nga autoritetet vendase, në Serinë A nuk do të luhet as Bologna-Inter. Pas përshtypjes së shprehur nga drejtori i Ausl të Bolonjas, Paolo Bordon (“Është e vështirë të luajmë, po shkojmë drejt ndalimit të veprimtarisë konkurruese"), ka mbërritur zyrtarizimi. Me një vatër infeksioni Covid në Bolonja që nxorri jashtë përdorimit tetë lojtarë, tashmë të izoluar për pozitivitet ndaj virusit, autoriteti lokal ka bllokuar "çdo aktivitet të ekipit".
“Është e vështirë që sfida të luhet”, kishte zbuluar Bordon për La Repubblica. Pas raportit të Departamentit të Shëndetit Publik, Ausl u shpreh qartë duke urdhëruar "anulimin e të gjitha aktiviteteve konkurruese dhe stërvitore të ekipit".
Me tetë lojtarë të ndaluar me Covid, në shtëpinë kuqeblu ka patur shqetësim për shpërthimin e brendshëm në funksion të ndeshjes kundër Interit, një problem i zakonshëm me gjysmën e Serie A që ka rreth 80 lojtarë të ndaluar për pozitivitet. Megjithatë, Lega Calcio nuk ka ndërmend të mendojë një shtyrje të kampionatit dhe nuk ka vendosur asnjë kufi minimal të lojtarëve poshtë të cilit skuadrat nuk mund të luajnë.
