Konferenca për shtyp për José Mourinhon në prag të ndeshjes kundër Milanit nuk mund të kalonte pa batuta e pickime, karakteriale për portugezin. "Për të bërë histori, duhet të fitosh trofe që ne nuk i kemi tani. Pas 2010, Roma nuk ishte skuadra e parë italiane me të cilën fola - tha ai -. Romën mund t'a pranoja, tjetrën jo. Nuk është mungesë respekti, por unë kurrë nuk do të jem në gjendje të stërvis Lazion”, ka thënë Special One.
"Mund të bësh një punë të madhe pa kupat, kjo mund të bëhet. Ka lojtarë që bëjnë punë fantastike pa trofeun apo momentin e madh: në këtë kuptim, unë ju them se ndjej se po bëj një punë të madhe këtu. Por për të bërë historinë duhet të fitosh trofe që ne nuk i kemi tani. Janë vetëm gjashtë muaj, por ne jemi shumë larg nga kjo. Të stërvis klube të tjera? Ne jemi profesionistë dhe ndonjëherë të thuash se nuk mund të drejtosh një klub tjetër është e vështirë. Është me rrezik. Por janë disa klube të cilave mund t'u thuash jo dhe nuk e bën për mungesë respekti, por nga respekti për ekipin që ke drejtuar në të kaluarën. Për ta sqaruar, pas 2010, Roma nuk ishte ekipi i parë italian me të cilën fola. Romën mund ta pranoja, tjetrën jo. Nuk është mungesë respekti, por nuk do të arrij kurrë të drejtoj Lacion. Dhe sigurisht ata mendojnë të njëjtën gjë për mua. Janë gjëra brenda respektit profesional, kurrë në mungesën e respektit për kundërshtarin. Për shembull nuk kam pasur kurrë ndonjë problem me Milan, ndoshta ndonjë batutë, por asgjë e veçantë, por ka klube që nuk mund t'i drejtosh."
Në lidhje me futbollistët no vax. "Këto janë gjëra private. Kjo është arsyeja pse vetja është e shenjtë. Disa lojtarë kanë pasur edhe Covid dhe kanë kërkuar privatësi. Ne e respektojmë atë. Rregullat janë rregullat, ligji është ligji dhe kur vendos qeveria duhet të respektojmë vendimin. Nuk mendoj se do të kemi ndonjë problem nga brenda."
