Qeveria e Shtetit të Viktorias, në Australi, refuzoi një kërkesë në mbrëmje vonë të Doganës Australiane për lejen e numrit 1 të tenisit, Novak Djokovic, disa orë përpara se avioni i tij të ulej në Melburn: ekipi i serbit thuhet se ka paraqitur llojin e gabuar të vizës. Funksionarët e kufirit tani kanë diskrecionin për të lejuar Nolen të hyjë në vend.
Fluturimi i Djokovic, të cilit iu dha një përjashtim për të luajtur në Australian Open të këtij muaji, u ul në Tullamarine rreth orës 23:30 me orën lokale, (13.30 me orën tonë) sipas mediave lokale. Zyrtarët kufitarë kanë bllokuar Djokoviç të hyjë në vend, pavarësisht lëvizjes së qeverisë së Victorias. Edhe pse me shumë mundësi ai do të lejohet të zbresë nga avioni i tij në Melburn. Kaosi me vizat vonoi hyrjen e Djokovic dhe në mesnatë (me orën lokale) situata ishte e bllokuar.
Ministrja e Përkohshme e Sporteve Jaala Pulford shkroi në Tëitter vonë natën duke konfirmuar se qeveria e Viktorias nuk do të mbështeste aplikimin për vizë të Gjokoviçit. "Qeveria federale ka pyetur nëse do të mbështesim aplikimin për vizë të Novak Djokovic për të hyrë në Australi. Ne nuk do t'i ofrojmë atij mbështetje individuale për aplikimin për vizë, për të marrë pjesë në Australian Open Grand Slam 2022".
KRYEMINISTRI: "ME PROVA TË PAMJAFTUESHME, DO KTHEHET NË SHTËPI"
Ndërkohë, përjashtimi mjekësor i dhënë për Novak Djokoviç, i cili vazhdon të mbajë konfidenciale statusin e tij të vaksinimit, për të marrë pjesë në Australian Open, ka ngjallur zemërim në vend, ku kryeministri kërcënoi se do ta kthente serbin "me avionin e parë" nëse një përjashtim i tillë nuk justifikohet. "Ne presim një shpjegim dhe që të na japë prova mbështetëse" të këtij përjashtimi, tha kryeministri Scott Morrison në një konferencë për shtyp. "Nëse këto prova janë të pamjaftueshme, atëherë ai nuk do të trajtohet ndryshe nga kushdo tjetër dhe do të shkojë në shtëpi me avionin e parë. Nuk do të ketë rregulla të veçanta për Novak Djokoviç," këmbënguli ai.
