Sondazhi i Chelsea për Theo Hernandez nuk është se ka patur sukses, në kohën kur Milan e ka refuzuar me shpejtësi. Mbrojtësi i majtë është i pashitshëm për kuqezinjtë, nëse nuk ka oferta monstruoze dhe të parefuzueshme. Gjë që për momentin britanikët nuk duken të gatshëm ta bëjnë. Maldini dhe Massara, në këtë pikë, po punojnë për të rinovuar kontratën me francezin, një nga më të mirët në rolin e tij, që skadon në vitin 2024. Synimi është ta sigurojnë atë me një zgjatje në kohë dhe një rritje të konsiderueshme të pagës.
Theo Hernandez nuk po shkëlqen këtë sezon, edhe për shkak të Covid-19, por megjithatë mbetet një pjesë e çmuar e kuqezinjve. Sirenat e merkatos nuk e shqetësojnë shumë klubin, sepse vullneti i mbrojtësit të krahut është të qëndrojë në Milano, por në çdo rast rinovimi është i nevojshëm për ta siguruar atë, në kohën kur një thirrje nga kampionët e Europës mund të jetë edhe joshëse me zhurmë milionash. Synimi i Milan është të arrijë të nënshkruajë me Theon deri në vitin 2026 me 4 milionë euro, dyfishin e pagës vjetore aktuale.
