Në shtëpinë e Salernitanës ka nisur numërimi mbrapsht për të tentuar të shmangë shkrimin e faqes më të trishtë në historinë e klubit. Në fakt, të premten do të skadojnë afatet për paraqitjen e një shitje paraprake dhe 48 orët e ardhshme do të jenë vendimtare për të mbledhur ofertat e parevokueshme me garancitë e nevojshme për të përcaktuar të ardhmen e kompanisë. Një situatë që mban pezull të gjithë tifozët granata dhe që, për momentin, lë ende të hapur çdo skenar.
Për "mbijetesën" e Salernitanës koha shtrëngon dhe së shpejti duhet të paktën një propozim serioz për blerje, i aftë për të përmbushur kriteret strikte të vendosura nga trust-ët. Nisur nga koha, synohet një akt i mundshëm noterial që do të çonte në një shtyrje prej 45 ditësh për të përfunduar më pas të gjitha çështjet burokratike të nevojshme për kalimin e pronësisë. Gjithsesi, gjithçka duhet të vendoset deri në mesnatën e 31 dhjetorit dhe ka një qytet të tërë që mban frymën. Në fund të fundit, brenda dy ditësh duhet të shpëtohet një klub futbolli me një histori shekullore.
Në mënyrë të detajuar, në 48 orët e ardhshme, në tavolinë priten dy oferta të besueshme. Pas prapaktheut të grupit Implenia, mbeten ende në lojë konsorciumi luksemburgas i udhëhequr nga Francesco Di Silvio dhe grupi i sipërmarrësve salernitanë e kampanë të nxitur nga Domenico Cerruti, mes të cilëve figuron edhe Francesco Agnello, një napolitan nga Torre Annunziata që operon në sektorin e shpërndarjes së ujërave.
Së fundi, si mjet i fundit, është edhe iniciativa e dy profesionistëve salerninatë (noterit Orlando dhe avokatit Tedesco), të cilët më 31 dhjetor janë të gatshëm të depozitojnë një ofertë simbolike për të shpëtuar të paktën titullin sportiv.
Nëse Salernitana përjashtohet, duke lënë Serie A me 19 ekipe, do të zeroheshin të gjitha rezultatet e marra nga kampanët gjatë fazës së parë, me avantazhe të padiskutueshme për skuadrat që nuk arritën të fitonin kundër granatave dhe që janë Venecia dhe Genova (të vetmet që humbën kundër Salernitana) dhe Verona e Cagliari (që barazuan). Të gjithë të tjerët do të përfundonin me tre pikë më pak. Kampionati i Serie A atëherë do të deformohej dhe pothuajse të gjithë shpresojnë që përjashtimi të jetë një hipotezë larg nga të qënit konkrete. Nuk do të ndryshonte shumë në renditjen e lartë të kampionatit, ndërkohë që avantazhe të mëdha do të vinin për Veronën, e cila do të gjendej në mes të tabelës, Venecia që do ta mbante edhe më larg zonën e rënies dhe Cagliari që do të shkurtonte distancën nga Spezia.
