Besnik Çelmeta nga Kavaja u masakrua 3 ditë më parë me thikë, shkelma dhe grushte në një lokal të këtij qyteti. Ai akuzoi se personi që e dhunoi duke e lënë të plagosur ishte Rizan Aliu që sipas policisë është shpallur në kërkim.
Ishte ish-kryeministri Sali Berisha që publikoi pamjet dhe që akuzoi policinë se e ka fshehur ngjarjen. Sildi Çelmeta, nipi i Besnik Çelmetës i tha abcnews se shkak ishte bërë sjellja e Rizan Aliut që është fqinj me dajën e tij.
“Daja im e ka shtëpinë në katin e parë një pallati në Kavajë. Ngjitur me pallatin është vila e Rizan Aliut, i cili hedh plehrat, mbeturinat, por edhe jashtëqitjet e qenit. Daja im i thoshte çdo ditë që të mos e bënte më atë veprim, pasi ishte në katin e parë dhe gjithë era dhe gjithçka tjetër i kishte te dera.
Por Aliu vijonte në të njëjtën mënyrë. Një tjetër problem ishte kthyer edhe zhurma. Djali i dajës punon natën dhe ditën kur vinte për të fjetur gjumë, Rizan Aliu vrazhdonte të bënte punime orar pa orar duke u kthyer në shqetësim.
Ditën e ngjarjes, daja i shkoi në lokal Aliut dhe i tha serish, por ai e qëlloi dhe e masakroi me thikë. Policia e Kavajës thotë se e ka shpallur në kërkim por nuk e arreston. Si ka mundësi që nuk ndodh asgjë as me shtëpinë e tij, vilën që e ka pa leje, por edhe lokalin ku ndodhi ngjarja. Shteti duhet të reagojë” - tha nipi i të moshuarit të plagosur.
https://www.facebook.com/SaliBerisha/posts/1707988146028752
