Një zjarr i përmasave të mëdha ka përfshirë urgjencën e spitalit të Durrësit këtë mesditë. Zjarri ka rënë fillimisht në repartin e grafisë së Urgjencës e më pas është përhapur në gjithë spitalin. Sipas njoftimit të policisë është shkaktuar nga një shkëndijë elektrike.
Situata ka shkaktuar panik por stafi i spitalit ka arritur të nxjerrë jashtë pacientët e shtruar. Zjarrfiksja dhe policia kanë mbërritur në vendngjarje dhe situata është vënë në kontroll.
Pas ngjarjes, spitali i Durresit ka dalë me reagimin e parë, duke sqaruar se shkak ishte një shkendije elektrike dhe se nuk ka pasur të demtuar. Drejtoria e këtij Spitali ka sqaruar se 7 pacientët që po merrnin shërbim në Pavionin e Urgjencës janë transferuar në ambiente të tjera. Në njoftim thuhet gjithashtu se është kryer ventilimi i ambienteve të spitalit, për të vijuar punën normalisht.
