Në Mal të Zi mbahen sot zgjedhjet parlamentare. Deri në orën 19:00 kishte votuar 74.9% e votuesve. Sipas të dhënave kjo pjesëmarrje është mjaft më e lartë se në zgjedhjet e vitit 2016. Sipas rajoneve, të dhënat e CEMI tregojnë se në Podgoricë kanë votuar 76%, në veri të Malit të Zi 77.7% kurse në jug 71.2% e votuesve.
Përqindja e lartë e votuesve në rang vendi është një sinjal negativ për forcat politike shqiptare pasi rritet koeficienti për të marrë deputet në parlamentin e ardhshëm. Të gjitha vendvotimet në Mal të Zi do mbyllen në orën 20:00.
Zgjedhjet parlamentare në Mal të Zi të këtij vitit janë të 11-tat me radhë nga futja e sistemit shumëpartiak dhe të pestat që nga pavarësimi i Malit të Zi. Në këto zgjedhje 540,026 qytetarë kanë të drejtë vote dhe do të zgjedhin njërën nga 11-të listat zgjedhore, 5 parti dhe 6 koalicione. Këta lista garojnë për 81 vende në Parlamentin e Malit të Zi. ©LAPSI.al
