Kryetari i Partisë Demokratike Lulzim Basha reagoi pas fjalës së kryeministrit Edi Rama për protestën e dhunshme në Kalimash kundër tarifës për Rrugën e Kombit. Pas një takimi me aleatët dhe një pjese të bashkëpunëtorëve të tij, Basha tha se dhuna u nxit nga policia dhe se e dënonte veprimin e forcave të rendit kundër qytetarëve.
Basha tha se mbështeste kërkesate banorëve kundër tarifës së kalimit në këtë rrugë. Ai bëri thirrje që të gjenden autorët e shkaktimit të akteve të dënueshme ndërsa policisë i kërkoi të mos zbatojë urdhra të jashtëligjshëm. Kreu i demokratëve kërkoi edhe një herë pezullim të tarifës në Rrugën e Kombit. ©LAPSI.al
