Menjëherë sapo mbaroi protesta e dhunshme e Kuksit, Edi Rama u shfaq në Facebook për të lëshuar mandatën se ata që kishin shkatërruar pronën e përbashkët se kushdo që ka ngritur dorën mbi pasurinë e përbashkët, do të marrë përgjigjen e merituar me forcën e ligjit. Personat që do ta pësonin këtë goditje identifikoi ministri i brendëshëm Xhafa, duke thënë se ata ishin njerëz me axhendë politike dhe me të shkuar kriminale.
Por nuk është çudi që kërcëllitja e dhëmbëve të Ramës të jetë gafurrja e një tigri prej letre. Përgjigja e tij e merituar ka të ngjarë të pësojë fatin e të njëjtës linjë që ai ndoqi edhe fiks një vit më parë, para se të zhvilloheshin zgjedhjet e parakohshme në Kavajë. Edhe atëhere lideri që nuk bën kompromis me ligjin tha se PD-ja që kërcënonte me shkatërrim të ditës së zgjedhjeve, me vjedhje të kutive dhe moslejimin e njerzve për të votuar do të merrte përgjigjen e merituar. Por kur erdhi dita e provës gjenerale kush qe përgjigjja e Ramës: Ai i dha urdhër kandidatit të tij të tërhiqej nga gara dhe zgjedhjet nuk u zhvilluan. Që prej asaj ditë të paktë janë ata që e kanë nxjerrë mësimin:
1-grabitësit ndalohen vetëm me dhunë
2- Ata që janë nisur për të vjedhur nuk kanë kohë për të humbur me sherre.
©Lapsi.al
