Studentët e Fakultetit të Shkencave të Natyrës në Shqipëri janë ngritur në një revoltë kundër ryshfetit që pedagogët i kërkojnë në këmbim të notës.
Lëvizja për Universitetin ka organizuar një aksion këtë të premte, ku studentë të këtij fakulteti kanë varur nga dritaret e godinës një banderolë të madhe ku shkruhet “Mr. 700 euro. Boll i zhvatët studentët”.
Në të nuk përcaktohet me emër nëse e kanë konkretisht ndaj ndonjë pedagogu, por sipas FaxNews, mitmarrja po bëhet nga ana e pedagogut Thanas Xhillari.
Ai është ish-bashkëshorti i Linda Ramës, gruas së kryeministrit të vendit Edi Rama. Linda Rama dhe Thanas Xhillari janë prindër të një vajze, Reas, ndërsa i kanë dhënë fund martesës rreth 10 vite më parë.
Xhillari është pedagog në departamentin e matematikës në Fakultetin e Shkencave të Natyrës.
