Gjyqtarja e rradhës që do të kalojë në veting është Vitore Tusha. Ajo është pjesë prej disa vitesh e Gjykatës Kushtetuese, ndërsa seanca dëgjimore përpara Komisionit të Pavarur të Kualifikimit është planifikuar të zhvillohet në datën 4 prill.
Pritet për t’u parë nëse për gjyqtaren Vitore Tusha janë gjetur shkelje, në lidhje me pasurinë apo integritetin profesional. Tusha pritet të pyetet për burimin e pasurisë së saj por edhe sa i takon pikëpamjeve profesionale për vendimet e marra në disa dosje gjyqësore që ka kaluar në dorë. Kujtojmë se pak ditë më parë gjyqtari Fatos Lulo nuk pranoi që të ishte vetë prezent në marrjen në pyetje nga KPK-ja, duke u përfaqësuar nga ana e avokatëve të tij.
Duke qenë se Lulo u gjet me shkelje sa i takon burimit të të ardhurave, KPK vendosi shkarkimin e tij nga sistemi i drejtësisë.
