Presidenti i Kosovës, Hashim Thaçi, deklaroi se arrestimi i shefit të të ashtuquajturës Zyra për Kosovën në qeverinë serbe, Marko Gjuriç, ishte orkestruar nga Serbia me qëllim krijimin e situatave të komplikuara.
Sipas Thaçit, për këtë skenar të Serbisë kanë qenë të njoftuara të gjitha institucionet vendore dhe ndërkombëtare.
“Ajo që ka ndodhur në Veri në ditët e fundit, jam i bindur në atë që e them, ka qënë një orkestim i shteti të Serbisë që të krijojë situate të komplikuara dhe skenare të përgatitura nga Serbia.
Institucionet dhe Policia e Kosovës nuk kanë pasur mundësi tjetër të intervenimit, është e rëndësishme ai ka dalë në një vend ku nuk ka pasur leje dhe Policia e ka kryer punën e vetë.
Sa i përket skenarit të Serbisë, kanë qenë të njoftuara të gjitha institucionet vendore dhe ndërkombëtare” - u shpreh Thaçi në emisionin “Jeta në Kosovë".
