Një grabitje ka ndodhur në kryeqytet ditën e sotme. Një person i cili po shkonte në bankë për të depozituar një shumë parash ka rënë pre e grabitësve.
Mësohet se këta të fundit kanë arritur t’i marrin një shumë prej 25 mijë eurosh. Ngjarja ka ndodhur në zonën e Komunës së Parisit.
Dyshohet se autorët kanë qenë në dijeni të shumës së konsiderueshme që kishte me vete personi në fjalë dhe e kanë grabitur atë sapo i është afruar bankës.
Mësohet se kanë qenë dy persona të cilët kanë vjedhur paratë me dhunë dhe më tej janë larguar me shpejtësi me motor. Policia e Tiranës ka mbërritur në vendin e ngjarjes dhe ka nisur hetimet për rastin në fjalë.
