Marko Gjuric, kreu i së ashtuquajturës Zyra për Kosovën në qeverinë e Serbisë, ka treguar për mediat ngjarjen që ndodhi dje në Kosovë, ku ai u arrestua nga policia. Në përpjekje për të ruajtur të njëjtën linjë me presidentin Vucic, i cili tha se shqiptarët janë terroristë, Gjuric tha se është keqtrajtuar nga policia teksa po transportohej në Prishtinë. Madje sipas tij tij, një prej oficerëve të policisë kishte thirrur 'Allahu Akbar'.
“Separatistët shqiptarë u munduan dje ta okupojnë Veriu e Kosovës në mënyrë brutale, duke përdorur dhunë dhe terror. Ata për mua nuk janë policë. Kjo është një bandë terroriste. Ata janë kundër njerëzve të paarmatosur. Kjo është e shpifur”. Më vunë në një automjet, aty me rrahën, e më goditën në stomak. Njëri nga ata e nxori thikën dhe bëri selfie me mua. Rrugës për Prishtinë nga Mitrovica veriore, njëri nga ata bërtiti Allahu Akbar”, tha Gjuric teksa ishte paraqitur në publik me duar të fashuara.
