Një grua 51-vjeçare ndërroi jetë në spital në Tiranë, e shkak për këtë është bërë dhuna sistematike që bashkëshorti ushtronte ndaj saj.
Gruaja me inicialet A.Gj ishte dhunuar nga burri i saj, dhe pas sherrit kishte dalë jashtë, ku kishte humbur ndjenjat në rrugën “Margarita Tutulani’.
Ishin kalimtarët e rastësishëm që i erdhën të parët në ndihmë duke njoftuar policinë dhe ambulancën, ngjarje kjo e ndodhur më 23 mars.
Mjekët kanë konstatuar hematoma në trupin e 41-vjeçares.
Por dy ditë më pas, më datë 25, gruaja ndërroi jetë në Qendrën Spitalore Universitare Nënë Tereza, ku thuhet se ka pësuar atak kardiak. Vdekja e saj është vlerësuar si aksidentale.
Ndërkohë, ndaj bashkëshortit të saj 54-vjeçar me inicialet I.Gj ka nisur hetimi për akuzën e dhunës psikologjike dhe fizike ndaj gruas.
