Një trup i pajetë është gjetur ditën e sotme në qytetin e Elbasanit, në lumin Shkumbin.
Nga raportimet e para mendohet që viktima, një 56-vjeçar, është mbytur. Viktima dyshohet të jetë shtetasi Ali Tota, i cili punonte privatisht në zona të ndryshme të Librazhdit.
Që të shtunën, rreth orës 16.00, ai ka humbur kontaktet me familjarët.
Sipas denoncimit të tyre, Ali Tota ka qenë duke u kthyer nga puna dhe në rrethana të paqarta rezulton i zhdukur pa asnjë gjurmë.
Policia po punon për zbardhjen e plotë të ngjarjes. Paraprakisht familjarët e 56-vjeçarit dyshonin për mbytje aksidentale të tij në rrjedhën e rrëmbyeshme të përroit të fshatit Spathar ku ai kalonte për të shkuar në shtëpinë e tij.
