Kanë qenë 4 personat ata të cilët kanë marrë pjesë në grabitjen e ndodhur sot në një lagje të Fierit. Ndërkohë, bëhen publik edhe fotot e dy prej grabitësve. Ata janë vëllezërit Arben dhe Ardi Muça, dy nga autorët që tentuan të grabisnin banesën në Fier, ku pas shkëmbimit të zjarrit me policinë, një prej tyre mbeti i plagosur, ndërsa tjetri u arratis. Dy vëllezërit morën pjesë në grabitje bashkë me kunatin e tyre dhe me një tjetër person.
Po ashtu mësohet se Arben dhe Ardi Muça, kanë lindur në Pukë, ndërsa banesën e prindërve e kishin në Ndoq. Arben Muça aktualisht ndodhet në spitalin e Fierit, pas plagëve të marra, ndërsa vëllai është në kërkim nga policia. Ngjarja e rëndë ndodhi rreth orës 03:00 në lagjen ‘29 Nëntori’ në Fier.
