Me pezullimin e gjyqtarit Fatos Lulo nga Gjykata Kushtetuese, institucioni mbetet me vetëm 5 anëtarë dhe është praktikisht i paralizuar. Para pezullimit, gjykata kishte mbetur me 6 anëtarë, ndërkohë që tani është e domosdoshme, që të pesë anëtarët e trupës gjykuese të mendojnë njësoj për të marrë një vendim.
Duke komentuar vendimin, avokati, Ardian Visha tha se me standartin që përdori Komisioni i Pavarur i Kualifikimit zor se ndokush do ta kalojë Vetingun.
“Për standartin që përdorën është një stekë shumë e ulët, poshtë së cilës zor se mund të kalojë njeri. Është përdorur si jush si media me respektin maksimal për procesin, për dobinë e atyre që do ikin, problemi është kush do rrijë në sistem?” u shpreh Visha duke iu referuar pikërisht paralizimit të Gjykatës Kushtetuese.
Fatos Lulo nuk justifikoi dot 480 mijë dollarë kanadezë dhe 100 mijë euro që kishte deklaruar si hua nga e motra.
