Është identifikuar edhe viktima e shkëmbimit te zjarrit me policinë në Fier, qe ndërhyri pas alarmit për një tentativë grabitjeje në banesën e familjes Muça.
Viktima është identifikuar si shtetasi Xhuljan Sollaku, 20 vjeç, banues në Katund i Ri, Elbasan. Më herët u njoftua se ishte identifikuar edhe grabitësi i dytë që mbeti i plagosur, shtetasi Arben Muçaj.
Mësohet se ai ndodhet në gjendje kritike ne spitalin e Fierit dhe policia pret mundësinë për një dëshmi, që të hedhë dritë mbi ngjarjen dhe autoret e tjerë.
Ngjarja ka ndodhur ne Fier, ndërkohe që sipas të dhënave të para policia bën me dije se përplasja erdhi pas ndërhyrjes së uniformave blu, në ndihmë të një familje qe kishte dhëne alarmin për grabitje.
