Me formulën “S’kemi parë gjë akoma”, Edi Rama iu dërgoi një mesazh të gjithë gjykatësve dhe prokurorëve që janë në listën e Vetingut. Nga Facebook, kryeministri e quajti “të mbarë” procesin që sapo ka nisur duke marrë shembullin e Fatos Lulos që nuk e justifikoi dot pasurinë e tij.
Mesazhi i Ramës:
“Të gjithë shqiptarët që e mbështetën fort Vetingun, sot duhet të ndjehen mirë sepse nisja është e mbarë. Pas 17 gjykatësve e prokurorëve që i ikën Vetingut pa filluar, procesi nisi e i pari që u mor në pyetje s’e justifikoi dot pasurinë dhe ra! Jam i bindur s’kemi parë gjë akoma”
