Channing Tatum, ka ndezur rrjetin me një postim misterioz në Instagram, vetëm pak ditë pasi u bë publik lajmi për fejesën e ish-të dashurës së tij, Zoë Kravitz, me Harry Styles.
Aktori i “Magic Mike” ndau një poezi të shkurtër të autorit John Roedel, e cila trajton një ndarje simbolike mes mendjes dhe zemrës, duke lënë hapësirë për interpretime nga ndjekësit.
Postimi u shoqërua me këngën “Faith’s Hymn” dhe mbishkrimin e thjeshtë “Read…”, pa asnjë shpjegim shtesë.
Pas divorcit nga aktori Karl Glusman, Kravitz nisi një lidhje me Channing Tatum në vitin 2021. Çifti u fejua në vitin 2023, por u nda një vit më vonë.
Burime të afërta kanë deklaruar se ndarja ka qenë pa konflikte:
“Ata thjesht u rritën në drejtime të ndryshme.”
Deri më tani, Channing Tatum nuk ka komentuar drejtpërdrejt për fejesën e ish-partneres së tij. Megjithatë, postimi i fundit është interpretuar nga fansat si një reflektim emocional mbi të kaluarën.
