Megan Thee Stallion ka konfirmuar se i ka dhënë fund lidhjes me basketbollistin e Dallas Mavericks, Klay Thompson.
Në një deklaratë për PEOPLE të shtunën, më 25 prill, artistja bëri të ditur se vendimi për ndarjen erdhi disa muaj pasi çifti e kishte bërë publike lidhjen e tyre.
“Kam marrë vendimin të përfundoj marrëdhënien time me Klay. Besimi, besnikëria dhe respekti janë të panegociueshme për mua në një lidhje, dhe kur këto vlera komprometohen, nuk ka rrugë përpara.
Po marr kohë për veten time dhe për të ecur përpara me qetësi dhe qartësi,” u shpreh ajo.
Deklarata erdhi pasi Megan publikoi një mesazh të fortë në Instagram Story, ku la të kuptohej se Thompson e kishte tradhtuar dhe se ajo kishte nevojë për një “pushim” pas situatës.
“Tradhti… më mbajte pranë familjes tënde sikur po ndërtonim diçka serioze… pastaj u tërhoqe,” shkroi ajo.
“Të kam mbështetur gjatë gjithë kohës, edhe kur kishe humor të tmerrshëm gjatë sezonit të basketbollit, dhe tani nuk e di nëse mund të jesh ‘monogam’? Më duhet një pushim i vërtetë pas kësaj.”
Edhe pse nuk e përmendi drejtpërdrejt emrin e tij, lidhja e tyre ishte bërë publike dhe çifti kishte ndarë shpesh momente romantike në rrjete sociale.
Në mars, Megan publikoi një foto ku shfaqej me Thompson, ndërsa në shkurt basketbollisti i kishte dhuruar një Bentley për ditëlindje.
Ata u panë për herë të parë bashkë verën e kaluar dhe debutuan në tapetin e kuq në gala-n e fondacionit të artistes në korrik 2025, ku Megan e përshkroi Thompson si “njeriun më të mirë që kam takuar ndonjëherë.”
Më herët, reperja ka qenë e lidhur me disa figura të tjera publike, përfshirë basketbollistin Torrey Craig dhe futbollistin belg Romelu Lukaku.
