Flash

Offset thyen heshtjen pas sulmit me armë

Lapsi.al 24 April 2026
Offset thyen heshtjen pas sulmit me armë

Offset ka reaguar për herë të parë pasi u qëllua me armë zjarri jashtë një kazinoje në Florida, duke theksuar se ndihet “me fat” që ka shpëtuar dhe po vazhdon jetën normalisht.

Reperi 34-vjeçar, pjesë e grupit Migos, foli për incidentin gjatë një interviste në podcastin Creators Inc., vetëm pak ditë pas ngjarjes së rëndë që ndodhi më 6 prill pranë Seminole Hard Rock Hotel and Casino.

Ai zbuloi se u plagos në ijë, por fatmirësisht lëndimet nuk ishin kërcënuese për jetën.

“Jam me fat që ende mund të lëviz. Duhet të vazhdosh përpara, puna nuk ndalet,” u shpreh artisti, duke minimizuar situatën dhe duke theksuar se nuk dëshiron mëshirë.

Pavarësisht incidentit, Offset është rikthyer shpejt në aktivitet, madje ka performuar edhe në Coachella Valley Music and Arts Festival vetëm pak ditë pas plagosjes, ku u ngjit në skenë në karrocë, por në disa momente arriti edhe të qëndrojë në këmbë.

Sipas raportimeve, përplasja që çoi në të shtënat dyshohet se lidhet me një konflikt ku u përfshi edhe reperi Lil Tjay, megjithëse ky i fundit ka mohuar çdo përfshirje në incident.

Ndërkohë, Offset ka bërë të ditur se po punon për albumin e ri dhe mbetet i fokusuar tek familja dhe rikuperimi.

Kujtojmë se ai ka qenë i martuar me Cardi B, me të cilën ka tre fëmijë, ndërsa aktualisht duket i vendosur të rikthehet fuqishëm në muzikë pas kësaj ngjarjeje.

Të këshilluara

Taylor Swift bën histori në Spotify

Taylor Swift vazhdon të thyejë rekorde, duke shtuar një tjetër arritje të madhe në karrierën e saj. Platforma Spotify festoi 20-vjetorin më 23 prill duke pub...

18:37

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI