Cardi B ka reaguar ndaj kritikave të shumta që ka marrë ditët e fundit lidhur me marrëdhënien e saj me Stefon Diggs.
Pas spekulimeve se çifti nuk e kishte kaluar Krishtlindjen bashkë, reperja vendosi t’u drejtohej ndjekësve të saj përmes një videoje në platformën X, duke kërkuar që situata të mos dramatizohej më tej.
Artistjau shpreh se ndjen se reagimet kanë kaluar kufijtë dhe se janë bërë të padrejta. Ajo theksoi se jeta e saj ka marrë një drejtim të ri dhe se nuk mund të ndryshojë vendime të së kaluarës.
Sipas saj, e vetmja rrugë është të ecë përpara dhe të fokusohet te e ardhmja, pa u ndikuar nga gjykimet e të tjerëve.
Cardi B dhe Stefon Diggs u bënë prindër për herë të parë së bashku në muajin nëntor, kur mirëpritën një djalë. Ky është fëmija i katërt për Cardi B, e cila ka edhe tre fëmijë të tjerë nga martesa e saj e mëparshme me reperin Offset.
Nga ana tjetër, Stefon Diggs është gjithashtu baba i dy vajzave nga marrëdhënie të mëparshme.
