Jessie J ka mohuar thashethemet se kënga e saj e re e ndarjes “Threw It Away” është një diss ndaj ish-partnerit Channing Tatum.
Në një sqarim në Instagram, këngëtarja tha se raportimet janë “të pavërteta” dhe “të padrejta”.
“Nuk kam thënë kurrë se kënga ka të bëjë me të. Titujt janë dramatikë dhe të këqij”, shkroi ajo në InstaStory, duke shtuar se është e rëndësishme të korrigjojë narrativën sepse “po të ishte anasjelltas, edhe ai do të bënte të njëjtën gjë”.
Artistja 37-vjeçare theksoi se nuk do të donte që vajza 12-vjeçare e Tatum, Everly, të mendonte se kënga ishte shkruar për të atin. “Nuk është e drejtë. Channing dhe unë e kemi mbyllur marrëdhënien në kushte shumë të mira dhe kam vetëm respekt për të.”
Jessie J iu referua edhe vargut të këngës, “Don’t you dare rewrite the story / I’m the beauty, you’re the beast”, duke sqaruar: “Ai nuk ka qenë kurrë ‘bishë’ për mua. Nuk jam dakord që mediat të përdorin emrin e tij për klikime.”
Raportimet nisën pasi një burim i US Sun pretendoi se Jessie kishte nënkuptuar gjatë një koncerti në West London se kënga ishte shkruar për Tatum. Ajo e mohoi këtë hapur.
Jessie J dhe Channing Tatum ishin bashkë nga 2018 deri në 2020. Sot këngëtarja është në lidhje me atletin Chanan Colman, me të cilin ka një djalë. Ndërkohë, Tatum së fundmi i dha fund fejesës me Zoe Kravitz.
