Netflix publikoi të hënën trailerin e dokumentarit të ri “Sean Combs: The Reckoning”, duke dhënë një pamje të parë të reperit dhe producentit të njohur në një hotel në New York, vetëm gjashtë ditë para arrestimit të tij.
Në një nga skenat e trailerit, 56-vjeçari shihet duke biseduar me avokatin e tij në telefon:
“Duhet të gjejmë dikë që ka përvojë ,” thotë Combs, i dukshëm i tensionuar. “Po humbasim!”
[embed]https://youtu.be/iGyKtVA6ntI[/embed]
Një javë më vonë, Combs u arrestua dhe u akuzua për transportim për qëllime prostitucioni, komplot për rrahje, dhe trafikim seksual me forcë, mashtrim ose presion. Ai ka mohuar çdo shkelje.
Në gjykim, që përfundoi në korrik, reperi u shpall fajtor për dy akuza për transportim për qëllime prostitucioni, por u lirua nga dy akuzat më serioze. Ai u dënua me 50 muaj burg dhe aktualisht ndodhet në Fort Dix Federal Correctional Institute, New Jersey.
Seriali dokumentar është prodhuar nga 50 Cent dhe do të përmbajë materiale të reja ekskluzive, intervista me bashkëpunëtorë të Combs si Kirk Burrowes dhe Aubrey O’Day, si dhe momente të papara më parë nga jeta e tij personale dhe profesionale. Fitimet e serisë do të ndihmojnë mbijetuesit e sulmeve seksuale.
Seriali do të publikohet të martën dhe jep një pasqyrë mbi betejat ligjore të reperit, përfshirë edhe përpjekjet e tij për për të apeluar dënimin.
