Lauren Jauregui, Normani, Dinah Jane dhe Ally Brooke i surprizuan fansat gjatë koncertit të Jonas Brothers – JONAS20: Greetings from Your Hometown Tour, që u mbajt të dielën, më 31 gusht, në Dos Equis Pavilion, Dallas.
Kjo ishte performanca e tyre e parë që nga viti 2018, kur grupi vendosi të shkonte në pauzë të pacaktuar.
“E mbani mend Fifth Harmony?”, tha Normani, ndërsa grupi marshonte në skenë mes duartrokitjeve.
Në rrjete sociale, vajzat shpërndanë një video me mbishkrimin:
“Ku ishit më 31 gusht 2025? Faleminderit @jonasbrothers për ftesën. Ishte mrekulli të ktheheshim .”
[embed]https://www.instagram.com/reel/DOC62wyjlTs/?igsh=N3d5bHFtcGJiY3Zo[/embed]
Edhe vetë Jonas Brothers ndanë një klip ku Fifth Harmony kërcenin me “Work From Home”, duke e cilësuar momentin si “të veçantë”.
Ky rikthim vjen disa muaj pasi The Hollywood Reporter raportoi se grupi po diskutonte për një dokumentar dhe një turne të mundshëm ribashkimi.
Madje, vetëm pak orë para surprizës në koncert, llogaria zyrtare e Fifth Harmony në X (ish-Twitter) u aktivizua për herë të parë që prej 2018-s, duke postuar hashtagun #FifthHarmonyFollowSpree, gjë që ngriti menjëherë dyshimet për një rikthim.
Fifth Harmony u formua në vitin 2012 në “The X Factor”, pasi anëtaret kishin konkurruar si solo.
Grupi përfshinte fillimisht edhe Camila Cabello, e cila u largua në fund të vitit 2016.
Gjatë karrierës së tyre, ata publikuan tre albume dhe sollën hite si “Boss,” “Sledgehammer,” “Worth It,” “Work From Home” dhe “All in My Head (Flex)”, duke arritur disa herë certifikim platini.
Koncerti i fundit i grupit para pauzës ishte në Hard Rock Live, Florida, më 11 maj 2018.
