Aktori Jacob Elordi ka bërë daljen e tij të parë publike pas ndarjes nga Olivia Jade Giannulli, duke marrë pjesë në Festivalin Ndërkombëtar të Filmit në Venecia, të shtunën më 30 gusht.
28-vjeçari u fotografua teksa largohej nga Hoteli Excelsior drejt premierës botërore të filmit të tij më të ri, “Frankenstein”, i realizuar nga regjisori i njohur Guillermo del Toro.
Ai pozoi fillimisht për sesionin fotografik me një veshje të bardhë, ndërsa për tapetin e kuq veshi një smoking të zi.
Gjatë parakalimit në tapetin e kuq, Elordi ndau selfie, nënshkroi autografe dhe i përshëndeti fotografët. Kur u pyet si po e përjetonte Venecian, ai reagoi thjesht me një buzëqeshje dhe një shenjë “OK”.
Në projektin më të ri filmik, Jacob Elordi interpreton krijesën e famshme të doktor Frankenstein, i luajtur nga Oscar Isaac.
Filmi është një rikrijim modern i historisë klasike, me një kast të spikatur ku përfshihen edhe Mia Goth, Christoph Waltz, Charles Dance dhe të tjerë.
Sipas Netflix, historia ndjek një shkencëtar brilant por egoist që krijon një krijesë të tmerrshme përmes një eksperimenti të çmendur – një akt që çon në shkatërrimin e të dyve: krijuesit dhe krijesës.
