Brazili është gati për Kupën e Botës Katar 2022. 5 herë kampionët e botës kanë shpallur listën zyrtare të thërritur nga tekniku. Tite e ka turneun e fundit në pankinën verdhejeshile e kërkon titullin e gjashtë të artë. Ashtu si ndodh gjithnjë me Selecao, shumë yje kanë mbetur jashtë. Brazili është një prej favoritëve kryesorë për triumfin në Katar dhe do të jetë ofensiv, si i takon famës së amerikano-latinëve. Tite e ka përligjur futbollin e sambas duke grumbulluar nëntë sulmues: si asnjë tjetër.
Mes emrave të mëdhenj të brazilianëve nuk mungon ai i lojtarit më me trofe në historinë e futbollit. Dani Alves, edhe pse 39 vjecar, është thërritur nga Tite. Mbi të gjitha tekniku beson në eksperiencën dhe frymën e grupit të mbrojtësit të djathtë. E gjithë vëmendja është te emrat përpara, ku nuk mungojnë Neymar, Vinicius, Richarlison e Jesus.
Lexo më tej:Renditja/ FIFA ka Brazilin favoritin kryesor në Katar: një pikë në dy ndeshje nuk i prish punë Shqipërisë
Ka vend për Raphina të Barcelonës e Anthony të United, por jashtë ka mbetur ylli i Liverpool Firmino. Një tjetër lojtar i munguar është Gabriel i Arsenal, ndërsa tre brazilianët e Juventus janë aty: Bremer, Alex Sandro e Danilo.
