Santiago Sanchez Cogedor është një spanjoll dyzet vjeçar me pasion për futbollin dhe… për bëmat e pamundura. Kështu, pasi në 2019 u nis nga Alcalà de Henares me biçikletë për të parë Superkupën e Spanjës në Arabinë Saudite, ai pati një ide tjetër. Me rastin e Kupës së Botës në Katar ai kishte vendosur të shkonte në Emirate... në këmbë. Janarin e kaluar nisi edhe udhëtimi i tij, por pasi kaloi Europën dhe pjesën e parë të Azisë, ai tashmë ka rreth dy javë i humbur. Familja dhe miqtë janë në ankth të madh.
Të shkosh në këmbë në Katar nga Spanja nuk është një gjë e përditshme. Por Santiago Sanchez Cogedor nuk është i ri në ndërmarrje të tilla. Për Kupën e Botës në nëntor ai kishte vendosur të kalonte Evropën dhe Azinë për të ndjekur Furitë e Kuqe. Megjithatë, rreth 9 muaj pas largimit të tij, 40-vjeçari spanjoll ka humbur gjurmët. Siç raporton El Mundo, në fakt, miqtë dhe familja nuk kanë dëgjuar për të që nga ditët e para të tetorit, kur Santiago ishte në Kurdistanin irakian.
I BLLOKUAR NË IRAN?
Të fundit që kanë dëgjuar prej tij janë dy shokë. Njëri prej tyre, Miguel Bergado, i tha gazetës spanjolle: "Unë fola për herë të fundit me të më 1 tetor, ai më dërgoi lokacionin e tij. Ishte në Kurdistanin irakian, pesë kilometra larg kufirit iranian". Më pas Bergado foli edhe për mikun tjetër Coque: “Santiago i dërgoi një mesazh ku thoshte 'situatë e nxehtë, por gjithçka është në rregull'. Mendoj se ai i referohej protestave të grave iraniane kundër qeverisë. Por kontaktet u ndërprenë atje”.
Sipas mikut të tij Santiago, ai mund të ketë mbetur i bllokuar në Iran, pikërisht për shkak të situatës së vështirë që po përjeton vendi. Familja është në ankth, duke pritur që djali të kthehet të bëhet i gjallë.
