Flash

Prapaskena e zbuluar nga Marca: Laporta, i tërbuar me arbitrimin ka hyrë në dhomat e zhveshjes së arbitrave

Lapsi.al 17 October 2022
Prapaskena e zbuluar nga Marca: Laporta, i tërbuar me arbitrimin ka

Humbja 3-1 e Barcelonës në El Clasico në La Liga ndaj Real Madrid mbyll një javë të tmerrshme për skuadrën blaugrana. Katalanasit përveç se nuk mundën dot Interin në Champions League, humbën edhe kreun e kampionatit. E ishte pikërisht kjo situatë që ka tërbuar presidentin e Barcelonës Joan Laporta. Ai në fund të ndeshjes ka kërkuar shpjegime për arbitrimin, direkt në përfundimin e ndeshjes.

Numri 1 i Barcelonës u ankua për një penallti të supozuar. Sipas tij kishte një 11 metërsh për skuadrën e tij për një faull ndaj Lewandowskit. Laporta ka protestuar edhe për akordimin e penalltisë që i lejoi Real Madrid të vuloste ndeshjen 3-1.

Lexo më tej: Video/ Benzema për Topin e Artë: Real triumfon 3-1 në El Clasico e Ancelotti shkëputet nga Barça në vendin e parë

Marca ka mundur të ketë akses në relacionin e arbitrit, duke zbuluar një prapaskenë. Kreu i klubit blaugrana, siç thuhet edhe në raportin e arbitrit të ndeshjes José Maria Sanchez Martinez, ka shkuar në dhomat e zhveshjes të arbitrave. Menjëherë atij i është kërkuar të largohej.

“Pasi mbaroi ndeshja, ekipi i arbitrave ishte brenda dhomës së zhveshjes. Presidenti i FC Barcelona Joan Laporta Estruch hyri duke kërkuar vazhdimisht shpjegime për situata të caktuara. Atij iu kërkua të largohej nga dhoma e zhveshjes e arbitrave, pa incidente të tjera”, thuhet në raportin e arbitrit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

18°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI