Të rinovojë për të hyrë në legjendë, apo të zgjedhë një sfidë të re për objektiva të pa arritura kurrë? Kjo është në thelb në mendjen e Robert Lewandowskit, i cili nga njëra anë reflekton për ofertën e rinovimit me Bayern Mynih që do të thotë siguri e titujve të fituar praktikisht çdo vit, për të qenë një simbol, por edhe në një lloj zone komforti, nga ana tjetër është Barcelona që e tundon për një aventurë në një kampionat më konkurrues, por që - si bën të ditur Bild - e di se mund t'i garantojë atij një skenë me shumë prozhektorë të përqednruar mbi të dhe rrjedhimisht me një shans më të madh për të arritur Topin e Artë.
Kontrata e polakut është në skadencë në vitin 2023 dhe, siç tha ai vetë disa javë më parë, duke folur për gjëra të rëndësishme në karrierën e tij, "e marr në konsideratë çdo skenar, duke shkruar lista pafundësisht të gjata me pro dhe kundër. Mendoj për këtë, flas me njerëzit më afër meje dhe në fund dëgjoj zemrën time”.
Nga ky këndvështrim duket një e dhënë që flet për një rinovim me Bayernin edhe pse nuk është për t'u nënvlerësuar, shkruan gjithmonë Bild, ndikimi i bashkëshortes që do të dëshiron të jetojë në Spanjë, ku ndër të tjera familja kalon verën, e këtu futet për shembull edhe blerja e fundit e një shtëpie në Majorka.
Në Gjermani, megjithatë, e pret rekordi i golave ntë Bundesligë me rekordmenin Muller (365 gola të shënuar) të “kërcënuar” nga 308 golat e Lewandowskit. Zgjedhja është e vështirë dhe duhet bërë brenda dy muajsh: Bayerni dhe Barça janë në pritje.
