Video/ Shikoni tentativën për të dëmtuar Luis Diaz nga tribuna: tifozi provon të godasë me shtizë

Ndeshja e parë çerekfinale në stadiumin Da Luz përfundoi me fitoren 1-3 të Liverpool përballë Benficas, por një episod i pakëndshëm rrezikoi të prishte festën e Reds. Luis Diaz në fakt ka festuar me shokët e skuadrës pas golit të shënuar, por një tifoz portugez ka tentuar ta godasë me një shtizë flamuri. Anglezët dominuan pjesën më të madhe të pjesës së parë dhe arritën të shënojnë 0-2 në 45 minutat e para, falë golave të Konate dhe Mané. Në fillim të pjesës së dytë, Nunez rihapi lojën, por në fund Luis Diaz e mbylli ndeshjen duke shënuar golin e 1-3. Ish-sulmuesi i Portos shënoi kështu golin e parë për Liverpool në Champions League. Diaz u ndal për të festuar pikërisht pranë tifozëve të Benficas, por ndërsa shokët e tij të skuadrës e përqafuan, një tifoz kundërshtar hodhi një shtizë flamuri në drejtim të tij. Fatmirësisht kolumbiani nuk u godit, por nga pamjet duket se Keita, i cili po i afrohej autorit të golit, është prekur nga shkopi. Andy Robertson, pas ndeshjes, për mikrofonat e BT Sport, iu referua hedhjes së sendeve nga tribuna: “Më hodhën shumë çakmakë kur kryeja goditjet nga këndi, ndoshta do të reshtin së piri duhan. Por duhet të përpiqen të mos hedhin më objekte në fushë sepse mund të lëndojnë njerëzit. Për fat të mirë, askush nuk më goditi”. Trajneri Jurgen Klopp, në fund të ndeshjes, ka dashur të lavdërojë Diaz, autorin e golit të tretë por edhe të një asisti: “Ai është një lojtar fantastik, një lojtar i nivelit absolut. Dhe në këtë atmosferë, që për të ishte derbi, ai bëri shumë mirë. Mënyra si e përgatiti golin e dytë, por edhe golin e tretë ishte madhështore. Ai ishte gjithmonë një kërcënim, tani është një kënaqësi të punosh me të”.

Former Porto winger Luis Diaz had sticks thrown at him.@carra23 @micahrichards and @liannesanderson were not impressed by the fan behavior. pic.twitter.com/VeATvJmMfa

— CBS Sports Golazo ⚽️ (@CBSSportsGolazo) April 5, 2022