Flash

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

"Njoh trajnerin e duhur": batuta e merkatos e telefonata me Perez që ktheu Ancelottin te Real

Lapsi.al 6 April 2022
"Njoh trajnerin e duhur": batuta e merkatos e telefonata me Perez

Pavarësisht dominimit në La Liga, shtypi spanjoll raporton për një sërë reflektimesh që po zhvillohen nga Bordi drejtues për administrimin e Ancelottit, që lidhen me faktin se trajneri italian përdor kryesisht të njëjtët lojtarë mes kampionatit dhe Champions League. Nga këtu, lindin emrat e zëvendësuesve të mundshëm, nga ëndrra e parealizueshme e Klopp, tek Pochettino i PSG-së, me kuota në rënie, tek Loë deri në vitin e kaluar trajneri i Gjermanisë, te kandidati i fundit Tuchel i Chelsea. Me sa kuptohet, nëse ai fiton Ligën dhe luan një Champions League të mirë, atëherë Ancelotti do të vazhdojë të jetë trajner i Real Madridit.

Kjo përforcohet edhe në sfondin e mënyrës origjinale me të cilën Florentino Perez vendosi të thërrasë trajnerin italian në Madrid. Në maj, kur Ancelotti drejtonte Evertonin, ai telefonoi Jose Angel Sanchez, CEO-n e Real Madrid, të cilin e pyeti nëse ka ndonjë lojtar blancos të negociueshëm për të përforcuar Everton. Përgjigja e Josè Angel Sanchez: “Për momentin nuk mund të të ndihmoj, jemi pa trajner”. Fakti është se Allegri, i cili ishte në bisedime me Real Madridin, firmosi me Juventusin dhe Rauli, alternativa, nuk është plotësisht bindës.

Ancelotti i hedh batutën Josè Angel Sanchez duke sugjeruar se njeh trajnerin e duhur për Real Madrid. Me kërkesë të Drejtorit Ekzekutiv të Blancos, Ancelotti është vetënominuar, duke e bërë të kuptojë se mund të çlirohet nga kontrata që ende e lidhte me Everton. Josè Angel Sanchez i thotë Ancelottit se do të flasë menjëherë me Presidentin Perez. Kaluan vetëm disa minuta dhe presidenti Perez telefonoi Ancelottin për të kërkuar konfirmimin për disponueshmërinë e tij. Ancelotti, i habitur nga kjo shpejtësi në reagimin e menjëhershëm të Presidentit, i kërkoi Perezit që ta mendojë me qetësi dhe të flisnin të nesërmen. Të nesërmen, Presidenti Perez telefonoi Ancelottin dhe e njoftoi se ai do të ishte trajneri i ardhshëm i Real Madridit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

11°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI