Flash

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

Teuta bën golin, Laçi koleksionon raste: bardhezinjtë e Josës nuk fitojnë prej 5 ndeshjesh

Lapsi.al 20 March 2022
Teuta bën golin, Laçi koleksionon raste: bardhezinjtë e

Kampionati magjik i Lacit është mbyllur që kur humbi sfidën titull me Tiranën, por tani me një seri prej 5 ndeshjesh pa fitore, pas humbjes 0-1 në shtëpi me Teutën, kurbinasit po rrezikojnë edhe vendin e dytë. Vendosi ndeshjen një gol i zëvendësuesit Hebaj, që kompleksoi edhe më keq bardhezinjtë, autorë të një ndeshje shpenzuese, me shumë raste të pashfrytëzuara.

Pikërisht kështu, sepse sidomos në pjesën e parë ndeshje ishte me sens unik. Të besuarit e Josës patën shumë mundësi për të kaluar në avantazh, por portieri i miqve, Qirko, e në një rast edhe traversa (Shehu 38'), nuk lejuan që topi të kalonte përtej vijës së portës. Shehu, Mazrekaj e Deliu në mesin e pjesës së parë e vunë në provë të vështirë prapavijën durrsake, në kohën kur skuadra e Arapit qendronte në pritje, me tendencën e qartë për të mos pësuar.

Vendasit ishin insistues edhe në pjesën e dytë, me Zylfiun e Ujkën, pa mundur të kalojnë Qirkon, por në anën tjetër, Teuta realizoi me të vetmin rast që pati, me anë të Rubin Hebajt, i cili erdhi nga stoli për t’i dhënë fitoren ekipit të tij. Me këtë fitore, skuadra e Arapit, largohet disi nga zona e rrezikut, duke u ngjitur në kuotën e 31 pikëve, ndërsa Laçi i ndalur në kuotën e 46 pikëve mund ta shohë Kukësin t’i vijë një pikë pas. Kurbinasit kanë marrë vetëm 3 pikë nga 15 të mundshme në daljet e fundit, duke e mbyllur përfundimisht historinë e titullit, gjithnjë e më shumë në duart e Tiranës.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

10°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI