Trajneri i Cagliarit, Ëalter Mazzarri, është shfaqur i nervozuar pas 0-1 kundër Milanit. Natyrisht pika e nxehtë ishte racizimi i demostruar nga shkallët e stadiumit për portierin Maignan, por tekniku i sardëve e ka kthyer vëmendjen tek arbitrimi dhe favorizimi që iu bë Milanit: "Nuk di asgjë për ofendimet e fundit, dola sepse isha i zemëruar. Na mungon një penallti të shkaktuar nga Maignan mbi Lovaton, portieri gaboi në dalje dhe goditi mbrojtësin, që ka një hematomë në kokë. Doja të shihja të kundërtën e asaj që mendoja se kishte ndodhur, por jo... Maignan nuk e kapi topin dhe goditi mbrojtësin, për mua është penallti. Var... Pastaj fitoi Milani dhe të gjithë ishin të lumtur…”.
Tekniku është ndalur edhe në performancën e skuadrës së tij: "Në fund nuk e meritonim humbjen, ata janë fenomenalë në mbylljen e hapësirave dhe kanë cilësi të çmendur. Por ne luajtëm një ndeshje si të barabartë dhe nuk patëm shumë fat. Unë i shoh të gjithë, por më shumë se shoh të tjerët, ne duhet të marrim pikë. Unë u thashë djemve që nëse do të luajnë gjithmonë kështu do të marrim pikë për të shpëtuar veten, në tre ndeshjet e fundit vërtet kemi bërë vetëm një gabim, atë ndaj Spezias”.
