Në Angli, intervista e Wayne Rooney në Sky Sport po shkakton bujë të madhe, duke qenë se ish-sulmuesi i Anglisë dhe Manchester United ka zbuluar një histori tronditëse që daton në vitin 2006. “Ne e dinim që nëse do të kishte fituar Chelsea, ata do të merrnin kampionatin, kështu që unë i zëvendësova takat plastike me ato të gjata metalike që lejoheshin, por që e dija që në kontraste do të më lejonin të bëja keq”, tha ish-sulmuesi i United. “John Terry u largua nga stadiumi me paterica, unë i lashë një vrimë në këmbën e tij dhe disa javë më vonë fola me të duke i kërkuar që të më kthente takën...”, shtoi ai.
Një rrëfim që nga njëra anë tërhoqi menjëherë vëmendjen e Federatës së Futbollit, e cila ndërhyri menjëherë për të kërkuar sqarime nga sulmuesi i atëhershëm i Manchester United dhe tani trajner i Derby County, ndërsa nga ana tjetër shkaktoi një stuhi kritikash në rrjetet sociale ndaj ish-sulmuesit anglez, i cili tashmë mund të marrë edhe një sanksion disiplinor. Në vitin 2002, ish-mesfushori i Mançester Junajtid, Roy Keane, u dënua për pesë ndeshje pasi pranoi në autobiografinë e tij se kishte dëmtuar qllimisht Inge Haaland në një derbi të vitit 2001.
