Një çati pagash për të zgjidhur problemet e futbollit dhe për të frenuar humbjet e theksuara nga pandemia. Ky është propozimi i lëshuar nga drejtori menaxhues i Bayern Munich, Oliver Kahn. “Ne duam një çati rroge, një shumë X që një klub mund të shpenzojë si një shumë maksimale pagash – nënvizoi ish-portieri gjerman dhe CEO aktual i bavarezëve – dhe sanksione që të dhembin e të jenë reale, edhe për klubet e mëdha”.
Në intervistën e gjatë të dhënë për Süddeutsche Zeitung, drejtuesi bavarez nuk e fshehu shqetësimin për valën e re të koronavirusit, që detyroi Gjermaninë të mbyllte stadiumet. Një dëm i madh ekonomik edhe për një klub virtuoz si Bayerni.
Sipas Kahn, klubet duhet të investojnë maksimumi 60-70% të të ardhurave në paga. Për më tepër, duhet të ketë kufij të qartë për investitorët se sa mund të investojnë në një ekip futbolli dhe sa humbje mund të kompensojnë. "Por të dyja pikat do të ishin të padobishme pa pikën tre: duhet të ketë sanksione që janë të rënda dhe që të zbatohen vërtet, madje edhe në klubet e mëdha. Në fund të fundit, ne nuk duam asgjë më shumë se kontrollin e kostos në botën e futbollit."
